تۈركىيە ئۇيغۇر تەشكىلاتلار مۇنبىرى رەئىسى ۋە شەرقىي تۈركىستانلىقلار فېدىراتسىيەسى رەئىسى ئەمىر ھەسەن ئەپەندى دۇنيا ئۇيغۇر قۇرۇلتىيى ۋەخپى ئىشخانىسىدا دۇنيا ئۇيغۇر قۇرۇلتىيى مۇئاۋىن رەئىسى ۋە دۇنيا ئۇيغۇر قۇرۇلتىيى ۋەخپى رەئىسى ئابدۇرېشىت ئابدۇلھەمىد ئەپەندى بىلەن كۆرۈشتى.
كۆرۈشۈشتە تۈركىيە ئۇيغۇر تەشكىلاتلار مۇنبىرى ۋە شەرقىي تۈركىستانلىقلار فېدىراتسىيەسى بىلەن دۇنيا ئۇيغۇر قۇرۇلتىيى ئارىسىدىكى داۋاملىشىۋاتقان ھەمكارلىق بىلەن تۈركىيەدىكى ئۇيغۇرلار يولۇققان جىددىي مەسىلىلەر ۋە ھەل قىلىش يوللىرى ئۈستىدە بىرلىكتە يول ئېچىش ھەققىدە مۇزاكىرە بولدى.
